साहित्यकृतीतील मेरुमणी- प्रस्तावना

                           

                   

                  सुट्टीच्या दिवसात, अथवा मोकळ्या वेळेत काहीतरी वाचावे वेळेचा सदुपयोग करावा असा विचार साहजिकच आहे. वर्षभरात मुंबई-पुण्याला कामानिमित्त जाणे-येणे होते तेव्हा एखाद दुसरे पुस्तक विकत घेण्याची ईच्छा होते. त्यातून हमखास खरेदी होते. आणि त्यामुळेच माझ्याजवळ आज ग्रंथांचा बर्‍यापैकी संग्रह झाला आहे.पुस्तके ही माणसाला कायम आशावादी ठेवतात असा माझा अनुभव आहे.  
       ज्याच्या घरात नाही पुस्तकांचे कपाट त्याचे घर होईल भुईसपाट अशी म्हण आपण नेहमीच ऐकत आलो आहोत .घरात एखादे वाचनीय पुस्तक नाही असे घर शोधून सापडणार नाही..ग्रंथ प्रेरणा देतात. हरवलेल्याला वाट दाखवतात. अंधारातील दीप बनतात. म्हणूनच .ग्रंथांना गुरूचे स्थान दिले जाते.
                              मायमराठीतील विविध ग्रंथांनी वाचकाच्या मनाला भुरळ घातली आहे . महाराष्ट्रातील महानुभाव संप्रदाय ,नाथ संप्रदाय, दत्त संप्रदाय,वारकरी संप्रदाय,दास संप्रदाय, यांनी आपल्या लीला , ओवी,अभंग, भारुड, गवळण अशा विविध प्रकारातून महाराष्ट्राला दिशा देण्याचे काम केले आहे.

                    आधुनिक काळातील  केशवसुत,कुसुमाग्रज, पु ल देशपांडे, व्यंकटेश माडगूळकर, अण्णाभाऊ,गंगाधर गाडगीळ, रत्नाकर मतकरी, व. पू. काळे. विश्वास पाटील,रणजित सावंत, अरविंद सावंत अशा अनेक लेखकांच्या बहारदार लेखणीत आजही वाचकांना खिळवून ठेवण्याचे सामर्थ्य आहे. 

                   आज कविता,कथा,नाटक, ललित साहित्य,प्रवास वर्णन, अशा विविध प्रकारात मराठी साहित्य वसंतात झाडांनी मोहरावे तसे मोहरुन आले आहे. ज्ञांनेश्वरांच्या शब्दात सांगायचे झाले तर म्हणता येईल-

             " माझा मराठीची बोलू कौतुके। 
               परि अमृतातेहि पैजासी जिंके।"
    
           
   

Up to 50% Off On Web Hosting